ՀՀ Ազգային Ժողովի ապրիլի 14-ին տեղի ունենալիք հերթական նիստի օրակարգում ընդգրկված է 23 հարց։ Այս մասին տեղեկացնում է Խորհրդարանի մամուլի ծառայությունը։
Օրակարգը հաստատվել է ապրիլի 13-ին՝ ԱԺ խորհրդի նիստում, որտեղ սահմանվել է նաև օրակարգային հարցերի քննարկման հաջորդականությունը։
Նշանակալից հարցերից մեկը Կառավարության 2021-2026 թվականների գործունեության ծրագրի շրջանակում 2025 թվականին կատարված աշխատանքի մասին ՀՀ կառավարության հաշվետվությունն է։ Այս հաշվետվությունը ներկայացնելու նախատեսված է ՀՀ վարչապետ Նիկոլ Փաշինյանը։
